Er ég að misskilja eitthvað stórt

Eftir að hafa reynt að kynna mér málið, hef ég komist að eftirfarandi í eins stuttu máli og hægt er, án þess að sleppa einhverju. 

 

            Í október 2008 hundi íslenska bankakerfið og ríkistjórn D og S setti neyðarlög sem tryggðu innistæður á Íslandi til fulls, erlendur dómstóll hefur kveðið upp að þetta var það eina sem þeir gátu gert, til að koma í veg fyrir áhlaup á bankana, sem hefði gert slæmt ástand enn verra (mig minnir að þetta hafi verið Evrópudómstólinn en ég fann það ekki í fljótheitum þegar ég var að slá þetta inn, set það inn um leið og ég finn það).  Bretar setja á okkur hryðjuverkalög.  En Landsbankinn hafði stofnað ICESAVE reikninga þar og í Hollandi.  Samkvæmt íslenskum lögum bar íslenski tryggingasjóðurinn einungis ábyrgð á 20.887€.

Lög um innistæðutryggingar og tryggingakerfi fyrir fjárfesta no 98/1999 (byggð á Tilskipun Evrópuþingsins og ráðsins94/19EB frá 30. maí 1994).   10gr. 1.mgr

Nú hrökkva eignir viðkomandi deildar sjóðsins ekki til þess að greiða heildarfjárhæð tryggða innistæðna, verðbréfa og reiðufjár í hluteigandi aðildarfyrirtækjum að skal þá greiða úr hvorri deild skipt þannig milli kröfuhafa að hvers þeirra allt að 1,7 millj. kr. er bætt að fullu en allt umfram er þessa fjárhæð skal bætt hlutfallslega jafnt eftir því sem eignir hvorrar deildar hrökkva til.  Fjárhæð þessi er bundin við gengi Evru EUR miðað við kaupgengi hennar 5. janúar 1999.  Sjóðurinn verður ekki síðar krafin um frekari greiðslu þótt tjón kröfuhafa hafi ekki verið bætt að fullu.

              Bretar og Hollendingar ákváðu að greiða innistæðu eigendum annarsvegar 100.000€ og hinsvegar 50.000 pund.  Einhverjir embættismenn skrifuðu undir minnisblað um að gengið yrði til samninga við þjóðirnar 2.  þar var minnst á 10 ára lán með 6,7% vöxtum.  Búsáhaldabyltingin og ríkisstjórnin fellur, við tekur minnihlutastjórn S og V studd af B.  Gengið er til kosninga og ný ríkistjórn V og S tekur við meirihlutanum.  Samninganefnd, undir forystu Svavar Gestssonar er send út til að semja við þjóðirnar tvær.  Hann kom eftir ótrúlega skamman tíma heim með það sem að fjármálaráðherra kallaði glæsilega niðurstöðu.  Allar kröfur þeirra samþykktar upp í topp m.a. Þeir krefja íslendinga um endurgreiðslur á því sem samsvarar 20.887€, en ef einhver afgangur verður af eigum bankans þegar þetta er allt frá fer afgangurinn í að borga mismuninn.  En einnig fá þeir hluta af eigum bankans strax upp i mismuninn.  10 ára lán á 5,5% vöxtum.  "Ég nennti ekki að hafa þetta hangandi yfir mér".  Sagði Svavar sjálfur þegar heim var komið. 

               Ríkistjórnin reyndi að koma samningnum í gegnum þingið óséðum.  Stjórnarandstaðan var ekki tilbúin að samþykkja samningin og gera að lögum án þess að fá að lesa hann og kynna sér samningin.  Þegar farið var að fjalla um hann kom í ljós að ýmislegt var enn á huldu í sambandi við samningin og hvaða áhrif hann myndi hafa á land og þjóð.  Hann var samt á endanum samþykktur sem lög 96/2009 2. sept. með fyrirvörum sem að stjórnarandstaðan kom inn í samningin.  Viðsemjendur okkar voru ekki tilbúnir að samþykkja þessa fyrirvara.  Þannig að málið var tekið upp að nýju á þingi, þar sem stjórnin vildi koma þeim út.  Það tókst 30. des þegar nýju lögin voru samþykkt með 33 gegn 30 atkv.  Um 60.000 Íslendingar skrifa undir áskorun um að skrifa ekki undir lögin og vísa þeim í þjóðaratkvæðagreiðslu.  Það gerir hann 5. jan 2010.  Þrátt fyrir að ríkisstjórnin hafi hótað því að hér yrði dauði og djöfull ef lögin yrðu ekki samþykkt STRAX.   Eftir að forsetinn neitaði að staðfesta löginn, hafa svo komið fram hinir ýmsu erlendu sérfræðingar, sem halda því fram að það sé ekki lagaleg skilda á að Íslendingar eigi að borga þetta allt.  Hluti allavega af skaðanum eigi að falla á Hollendinga og Breta.  Þetta getur ríkistjórnin ekki sætt sig við og vill allt gera til að láta okkur borga sem mest og bera sem mesta ábyrgð.  Þessir sérfræðingar vita ekkert um hvað þeir eru að tala. 

         Þá er bara að ákveða hvort það verður X já eða X nei.

 

p.s. hægt er að sjá lánasamningana í heild á island.is

Tæknivandi

Jæja þá er talvan vonandi komin í lag.  En ég er búin að vera í vanda með tæknimálin síðan fyrir áramót.  Fyrst var ráterinn að stríða mér í nokkra daga.  Sambandið við hann datt niður upp úr þurru og var í nokkra daga þannig að það var að koma og fara til skiptis.  Svo þegar það var farið að vera eins og það átt að vera, þá fór lykklaborðið að vera með stæla.  Kom bara með suma stafi en aðra ekki.  Þar sem ég er nú nógu léleg í stafsetningu og annað sá ég fram á að ekki gengi það að vera með lykklaborð sem skrifaði bara 3 hvern staf eða svo.  Því var reddað nýju borði, en fór þá ekki hel...... ráterinn að haga sér aftur svona.  Vona að þetta sé komið í lag núna. 

5 ár ár frá flóðunum miklu

Í dag eru 5 ár frá flóðunum miklu í Asíu og Afríku.  Var rétt að skríða á fætur þennan dag þegar fréttir komu um að jarðskjálfti og síðan flóðbylgja hefði dunið yfir.  Elsti bróðir minn var einmitt staddur á Sri Lanka, en hann hafði kvænst þar 8 dögum áður.  Það var því svakalega erfiður dagur á meðan að við vorum að bíða eftir því að fá einhverjar fréttir af þeim.  Það var svo um kvöldið sem að við fengum þær fréttir að þau hefðu sloppið, og það væri allt gott.  Þessar fréttir fengum við í gegnum Danmörk.  En íslendingur búsettur þar hafði náð sambandi út.  En það var ekki fyrr en daginn eftir sem að við náðum að tala við hann sjálfan, flóðið hafði stoppað um 10 metrum frá húsinu sem þau hjónin gistu í.  En ástandið var svakalegt og svæðið sem að þau dvöldu á varð illa úti.  Það var hrikalegur léttir loks þegar við náðum sambandi, við hann og heyrðum í honum röddina,  þó svo að þetta hafi verið mikið sjokk fyrir þau, og þau verið mjög slegin, þá hefur aldrei verið eins gott að heyra röddina hans.  Það var svo nokkrum dögum seinna að við vorum að tala við hann aftur þegar hann kvaddi mjög snöggt, hann hafði samband aftur nokkrum tímum síðar, en þá hafði komið annar jarðskjálfti og allir á svæðinu hlaupið upp á hæð, fyrir utan bæinn, það var rétt svo að hann náði að grípa pappírana sína með.  Það var ekki verið að taka neina sjensa.  Og vorum við ekkert smá ánægð þegar hann kom aftur til Danmerkur, þar sem hann býr, verst af öllu var samt, hann þurfti að skilja konuna sína eftir, því að danska útlendingastofnunin er hrikalega erfið að eiga við, og gekk illa að fá dvalarleyfi fyrir hana þar.  Jafnvel voru þeir á því að þar sem að hann var ekki með gilt dvalarleyfi þá vildu danska útlendingastofnun  vísa honum úr landi.   Íslendingar þurfa ekki dvalarleyfi í Danmörku. Annar bróðir minn býr með konu frá Thailandi, en við fengum fljótt fréttir af því að hennar fjölskilda býr mun norðar og lengra inn í landi og því engin hætta hjá þeim.

Snjór meiri snjór

Er  búin að komast að því að það tekur ekki nema rétt rúma mínútu að koma sér í ullarsokka, hlífðarbuxur, húfu, vettlinga og úlpu.  Síðan er hlaupið út og farið að munda skóflur.  Búin að moka meiri snjó í dag en ég kæri mig um að muna.  búin að fara 2. í dag út að moka bíla úr sköflum.  Núna var fjölsk. að koma inn eftir að vera búin að eyða rúmlega hálftíma í það að reyna að koma gestunum héðan.  Það er moka og ýta, moka meira, ýta meira og svo moka ennþá meira.  Ekkert gekk, það var svo á endanum það tilvonandi gestir á efri hæðinni, sem voru á jeppa þurftu að kippa okkar gesti úr skaflinum svo að hann kæmist á næsta stað.  Ég er nú ekki með hæstu mönnum (160cm) en ég var að vaða snjó upp í hné sumstaðar, þegar ég tók smá mælingu og gekk aðeins hér um, meðan ég fékk skóflu hvíld.  Vorum bara með 3 skóflur að moka.  Samt erum við mjög neðarlega í bænum.  Ekki vildi ég vera efst á brekkunni, né í Giljum né Síðum.  Þar hlýtur að vera snjór upp í klof.  

Svaka pen og settleg, eða ekki.

Eftir þessa jóladaga er ég búin að fá endanlega staðfestingu á því, það vantar alveg í mig penu stelpu genin.  Þakka bara fyrir að Kalli Bentsen eða einhver álíka er ekki búin að vera nálægt mér, því sú hefði  aldeilis fengið að heyra hvernig á ekki að sitja og haga sér.  Þessa hátíðardaga sem búnir eru er ég búin að vera mikið á mínum uppáhaldsstað í stofunni, Chesterfield stól inn í horni.  Svo eftir stutta stund á þessum stað er ég ósjálfrátt komin í mína uppáhalds stellingu, í hálfgerða bóndabeygju þversum í stólum.  Það að ég er búin að vera í kjól og það stuttum, niður á mið læri, hefur ekki stoppað mig,  ranka við mér með reglulegu millibili og sest þá eins og á að sitja, en eftir nokkrar mín. er ég aftur komi á hlið.  Þakka bara fyrir að hinir í famelíunni eru ekki myndavélaóðir, og ég er ekki að taka myndir af mér,  því þá væri ég ekki í góðum málum.  Verð að fara að læra að haga mér eins og dama.

Í tilefni dagsins

Rehus-Beal-Ledeats       -     Gezur Krislinjden    -       Feliz Navidad     -       Selamat Hari Natal     - Shenoraavor Nor Dari yev Pari Gaghand     -   Idah Saidan Sanah Jadidah      -    Pace e salute     -Boas Festas e Feliz Ano Novo      -       Kung His Hsin Nien bing Chu Shen Tan          -   Sretan Bozic -Gun Tso Sun Tan'Gung Haw Sun      -      Glædelig jul    -  Merry Christmas and a Happy New Year -  Jutdlime pivduluarit ukiortame pivdluarittlo!      -    Gajan Kristnaskon      -    Hyvaa joulua  - Gledhilig jol og eydnurikt nyggjar      -     Bon Noel    -     Froehliche Weihnacten  -  Mele Kalikimaka -Kala Christouyenna    -     Mo'adim Lesimaka.  Chena tova   -    Shub Naya Baras    -  Sreken Bozhik   -    Nollaig Shona Dhuit   -      Buone Feste Natalizie    -       Natale hilare et Annum Faustum    -        Bonu nadale e prosperu annu nou     -        God Jul och Ett Gott Nytt Ar      -     Sawadee Pee Mai.

Nú er nóg komið, á samt nokkur eftir.   

Síðast en ekki síst   

Gleðileg jól, gott og farsælt komandi ár.

Konan

Þegar Guð skapaði konuna vann hann seint á sjötta degi, þegar engill kom að og sagði við hann: "því að eyða svo miklum tíma í Þetta?"

Og Drottinn svaraði: "Hefurðu ekki séð upptalninguna á því sem ég þarf að gera til að skapa hana?  Hún þarf að vera vatnsheld en þó ekki úr plasti, hafa meira en 200 hreyfanlega hluta, sem ekki er hægt að skipta um og hún þarf að geta framleitt hvaða mat sem er, hún þarf að geta faðmað mörg börn í einu og gefið faðmlag sem eitt og sér læknar allt frá skrámu til ástarsorgar.  Þetta allt þarf hún að gera með aðeins tvær hendur."

Engillinn varð mjög hrifinn og sagði: "Bara tvær hendur, það ert ómögulegt.  Og þetta er bara venjulegt eintak!  Þetta er allt of mikil vinna sem þú klárar ekki í dag, geymdu þetta til morguns og kláraðu hana þá."

"Það geri ég ekki" svaraði Drottinn.  "Ég er svo nálægt því að fullgera þetta sköpunarverk sem mun eiga sérstakan stað í hjarta mér.  "Hún læknar sig sjálf þegar hún veikist og hún getur unnið 18 tíma á dag."

Engillinn kom nú nær og snerti konuna.  "En þú hefur gert hana svo mjúka Drottinn." Sagði hann svo.

"Hún er mjúk" svaraði Drottinn.  "En ég hef einnig gert  hana sterka því þú getur ekki ímyndað þér hvað hún þarf að ganga í gegnum og þola."

"Getur hún hugsað?" Spurði engillinn.  Drottinn svaraði:  "Hún getur ekki aðeins hugsað, heldur einnig rökrétt og staðið í samningum."

Engilinn snerti vanga konunnar, "Drottinn það lítur út fyrir að sköpunarverkið leki.  Þú hlýtur að hafa lagt of miklar byrgðar á hana. 

"Hún lekur ekki ... Þetta er tár" leiðrétti Drottinn.

"Til hvers er það?" spurði engilinn.

Drottinn svaraði:  "Tárin eru hennar leið til að láta í ljós sorg sína og stolt sitt."

Þetta hafði mikil áhrif á engilinn sem sagði:  "Drottinn, þú er snillingur!  Þú hefur hugsað fyrir öllu.  Þessi kona er stórkostleg!"

Og Drottinn svaraði englinum:  "Það er hún svo sannarlega.  Konan býr yfir slíkum styrk að mestu karlmenn undrast hann.  Hún tekst á við hvaða vandræði sem er og getur borið þungar byrgðar á herðum sér, hamingju, ást og áætlanir.  Hún brosir þegar hana langar til að öskra.  Hún syngur þegar hana langar að gráta, grætur þegar hún er hamingjusöm og hlær þegar hún er hrædd.  Hún berst fyrir því sem hún trúir á.  Hún berst við ranglæti.  Hún tekur ekki nei sem gilt svar þegar hún sér betri lausn.  Hún gefur sjálfa sig svo fjölskyldan geti dafnað.  Hún fer með vini sína til læknis ef hún óttast um þá.  Ást hennar er skilyrðislaus.  Hún grætur þegar börnin hennar eru sigursæl.  Hún er glöð þegar að vinum hennar gengur vel.  Hún gleðst þegar hún heyrir af barnsfæðingum og brúðkaupum.  Hjarta hennar brestur þegar ættingi eða vinur fellur frá.  En hún finnur styrk til þess að takast áfram á við lífið.  Hún veit að faðmlag og kossar geta læknað brostið hjarta."

"Það er aðeins einn galli á henni" sagði Drottinn að lokum.  "Hún gleymir því hversu stórkostleg hún er."

Jólagjafir

Eitt af því sem ég ber ábyrgð á að gera fyrir jólin er að kaupa og pakka inn jólagjöfunum frá pabba til mömmu.  Hann bara afhedir mér pening og svo á ég að fara að eyða.  Hann vill að hún fái marga pakka um hver jól og hér er jólapakka súpan í ár.  Þetta eru allt pakkar frá pabba til mömmu.

Til þeirra sem stjórna leit fyrir austan.

    Eftir þá reynslu mína að hafa verið aðstandandi, þegar leit eftir sjóslys, stendur yfir, vil ég koma eftirfarandi ósk á framfæri:

    Vinsamlegast komið fram við alla aðstandendur sem bíða svara af virðingu.  Byrjið á því að svara þeim (á undan fjölmiðlum) og svarið þeim þegar þeir leita svara.  Það er svar að segja; það er ekkert nýtt, en þetta er það sem við erum að gera. 

    Þetta var ekki til staðar þegar ég var aðstandandi og sárindin yfir því að þurfa að vakta fréttir fjölmiðla, til að komast að því hvernig staða væri, sitja enn á sálinni.  Viðmótið sem við mættum sumstaðar í kerfinu gerðu oft illt verra.  

Samúðarkveðjur

    Til aðstandenda þeirra sem voru í bátnum sem fórst við Skrúð, í morgun.  Hjarta mitt og hugur er með ykkur nú. Það eru rúm 8 ár síðan ég var í ykkar sporum, var aðstandandi, og beið svara meðan leit stóð yfir, eftir sjóslys.  Því er hjarta mitt og allar mínar bestu hugsanir hjá ykkur.  Vonandi fáið þið svör fljótt.