Brandri dagsins 20.11

Einn stuttur í dag.

- Móðir þín og ég erum sammála um að þú eigir skilið ærlega ráðningu, sagði faðirinn strangur á svip við óþekktarorminn son sinn.

-Þetta er alveg týpiskt, svaraði sonurinn háðslega, - Loksins þegar þið eruð sammála um eitthvað, þá skal það bitna á mér!

Brandari dagsins 19. 11. 2009

Veitir ekki af smá upplífgandi lestri þessa dagana.  Hef því ákveðið að setja inn 1 brandara á dag.  Á meðan þeir endast sem ég kann.

    Afgreiðslustúlka í lyfjabúð var kölluð til yfirmanns síns vegna kvörtunar frá viðskiptavini um óvirðulegt orðbragð.

    Stúlkan gaf eftirfarandi skýringu: - í morgun kom kona í lyfjabúðina og bað um sýklalyf til að nota gegn kvefi.  Konan varð mjög ókurteis þegar ég sagði henni að ég gæti ekki afgreitt hana nema gegn lyfseðli.  Næst bað konan um hitamæli og ég rétti henni einn.  Síðan bað hún mig að sýna sér hvernig ætti að nota mælinn og ég lét mér nægja að segja henni í nokkrum einföldum orðum hvert ætti að setja hann. 

Á ég að fá mér einn svona?????

Nú þegar stóri dagurinn er við það að renna upp, skil samt ekki hvað ættingjar og vinir eru að æsa sig yfir honum.  Á mínum fyrri vinnustað var ein sem er tíu árum eldri en ég og alltaf þegar hún er  spurð  að  aldri  svarar hún með það sama 32, (hvað með það þó ég hafi bakað handa henni þegar aðrir hafi viljað hafa eitthvað 5 og 0), þannig að það ætti ekki að vera mikið mál að sjá út hvað ég er að verða gömul núna um helgina.  32-10. En það er semsagt komið að því að finna sér eitthvað til að vera í.  Nú hef ég í dag verið að reyna að ákveða mig hvort ég eigi að fá mér þennan eða svartan blúndu?

Endurnýjun viðhalds.

Þar sem að svörtu litlu skrímslin, sem fara á stjá í fataskápum á næturnar, og þrengja fötin fyrir manni,  (kaloríurnar) hafa verið eitthvað latar undanfarið stefnir allt í það að ég verði að fara endurnýja viðhaldið mitt.  Ekki það að ég sé að kvarta.  Ástandið er nefnilega orðið það gott að svörtu buxurnar sem ég var svo ánægð með, því þær heldu svo vel við að viðhaldið fékk ekki að vera með, þá daga sem þær voru brúkaðar, eru orðnar þannig, að ég hef ekki þurft að nota rennilásinn í allan dag.  þannig að núna er ekki annað í stöðunni en að safna fyrir nýju viðhaldi fyrir jólin, en það er einstaklega lítið gaman að standa í þannig kaupum.  Kannski skárra þegar viðhöldin minnka.

í denn

Af ástæðum sem ekki verða gefnar upp alveg strax, þá er árið 1989 búið að vera mikið í huga mér núna síðustu daga.  Margt hefur verið rifjað upp.  Nánar síðar, en þetta varð til þess að farið var í það að grafa upp gömul myndaalbúm, og er ég mikið að hugsa um að reyna að komast í skanna til að skella inn mynd af mér frá þessum tíma.  Nú er bara að drífa sig í að velja eina, eða svo, góða frá því herrans ári.  

typpikal ég.

Já það er ekki að spyrja.  Snillingurinn ég tókst að klúða þessu eins og öðru.  Það sem ég bloggaði í gær birtist ekki.  Veit að sennilega gæti ég fengið það til að birtast, en þar sem ég klúðraði því í fyrstu tilraun, þá geymi ég það bara í nokkra daga og sé svo til.  Forsendur hafa nefnilega aðeins breyst, þ.e. ég er komin lengra með lesturinn.  Ykkur kemur ekkert við hvað ég á við, fyrst þetta klúðraðist í gær.  Þið vitið þetta var svo eitt af þessum dæmum þar sem að tölvan gerði ekki það sem hún átti að gera.  Talvan gerði mistök, ekki ég.  Þessi lestur minn veðrur því bara að vera leyndó áfram, alla vega þangað til það kemur að því að ákveða hvað skal gera að honum loknum. 

Þar kom að því.

Þá er ég búin að stofna blogg síðu.  Hefur staðið til lengi en þar sem ég er frekar tölvuheft, þá hef ég ekki látið verða af því fyrr en núna.  Hingað til hefur nefnilega alltaf verið hrigt í stóra bróðir, ef ég hef ekki vitað hvernig ég á að gera eitthvað í sambandi við tölvuna.  Þar sem hann er ekki með bloggsíðu þá þýðir ekkert að byðja hann að bjarga mér ef ég lendi í einhverjum vanda.  Annars verður það þannig hér að það verður opið fyrir athugasemdir, en það verður samt ritstýring í gangi.  Þar sem þetta er MÍN SÍÐA ÞÁ ER HÚN Á MÍNA ÁBYRÐ, OG ÞAÐ SEM ÞAR ER.  því verður því hennt út sem mér finnst ganga of langt.  Eins er alveg óþarfi að vera með skítkast út í aðra á minni síðu.  þið verðið bara að nota ykkar síður til þess.  Þar sem að ég er fordómafull, forpokuð, hörundsár, húmorslaus, með fullt af fóbíum og pempía, þá er kannski ekki margt sem mér finnst ekki ganga of langt.  Nú er svo bara að láta á þetta reyna.